Tuyot na Dahon

Bakit ba kailangang
          malanta ang dahon?

Maari naman sya’ng
          manatili sa sanga
          upang manatiling buhay?

Bakit siya inagaw ng hangin
          at tinangay ng walang pagkupkop
          na hinabilin sa lupa?

Dito ba?

Dito na ba ang hantungan
          ng kung anong dati’y luntian,
Nagyo’y wala ng silbi
          kundi maging pataba?

Ngunit…

Minsan tayo’y bulag sa katotohanan,
          Na tanging ang puso lamang
          ang kasagutan.

Bakit nga ba
          kailangan ng ganitong bagay?
Bakit kailangang magmahal at
          masaktan?

Bakit ba?

Bakit nga ba?

…Marahil upang manatili tayong buhay