Dahon at Hangin

Maraming dahon
          ang nagpapatangay sa hangin,

Ngunit hindi ka
          nabibilang sa kanila.

Maraming tao
          ang mataas ang ekspektasyon,

Ngunit ikaw ay
          isa sa mga dahong nasa lupa.

Malaon man sa
          paglipas ng panahon…

Marahil isa ka nang tuyot na dahon,
          patuloy kang nakahalik at
                nakababa sa lupa.

Ngunit  hindi ka katulad ng mga
          dahong nagpapatangay,
Walang mga silbi
          kundi gamitin ang hangin.


Kahit tuyot ka na…
          magsisilbi kang pataba

Kahit wala ka na,
          mananatiling buhay pa.

Maraming dahon ang
           nagpapatangay sa hangin…

Ngunit hindi ka
          nabibilang sa kanila…