Bulaklak sa Dilim

Nais kong makita
          ang bulaklak sa dilim
Yakapin ang hamog,
          langhapin ang lamig ng hangin.

Nais kong sulyapan
          ang kagandahan ng bulaklak
Tulad ng lungkot…
          itatago na lamang,
                habambuhay.

Tulad sa umaga
          bulaklak ay may tamis rin
Kahit sa gabing madilim
          ito’y may saysay pa rin,
Tulad ng hapdi
          ito’y may hatid na lihim.

Makulay ang bulaklak
          kung ito’y mamasdan,
Makulay ang buhay
          kahit sa kadiliman.

Nais kong makita
          ang bulaklak sa dilim
Yakapin ang hamog,
          langhapin ang lamig ng hangin…